Për kreun e PD-së, Sali Berisha, Rama po mundohet që të përdorë mekanizma ligjorë për të goditur kundërshtarët politikë.
Nga selia blu, duke ju referuar projektligjeve të PS lidhur me hapjen e dosjeve, ai tha se Rama vetë e ka bllokuar hapjen e dosjeve dhe lustracionin më herët.
“Rama po mundohet që të përdorë mekanizma ligjorë për të goditur kundërshtarët politikë. Është rikthyer ideja e dosjeve dhe me një gjueti shtrigat ndaj një kundërshtari politik. Me kemi votuar 2 herë në kuvend ligjin për lustracionin. Ky ligj hapte dosjen për të gjithë funksionarët dhe ky ligj i jepte të drejtë çdo qytetari që të njihej me dosjen e tij. Një ligj tjetër i njeh shqiptarëve paditjen e persekutorëve. Ndërsa Edi Rama e paditi ligjin në gjykatë Kushtetuese dhe e bllokoi”, tha Berisha.
“Ne jemi kundër gjuetisë së shtrigave, por mbështesim lustracionin dhe dekomunistizimin. Do të dorëzojmë në kuvend në 2 ditët e ardhshme, ligjin e gatshëm të lustracionit. Ligji do të jetë i plotë dhe jo me nene. Ama nuk jemi për gjah shtrigash për qëllime politike. duan të hapin dosjen e një fshati që ka marrë nga toka e tij një thes me arra, e kanë kapur e kanë keqtrajtuar dhe mund të ketë firmosur. Ai nuk mund të marrë asnjë funksion”, shtoi ai.
