Mjeku Erges Eskiu, ka dalë në një deklaratë nga selia e partisë Demokratike, ku ka folur lidhur me arrestimin e bërë nga policia ndaj mjekut të spitalit të Traumës pak ditë më parë.
Eskiu tha se arrestimi i mjekut me policë me maska, ishte thjeshte një shfaqje nga kryeministri Edi Rama për të mbuluar skandalin e mbylljes së shkollës “Mehmet Akif”.
Eskiu: Mijëra studentë dhe qindra mjekë me eksperiencë mendojnë vetëm të ikin. Profesioni i mjekut është shndërruar në një punë e cila sipas Ramës duhet t’u shërbejë vetëm patronazhistëve. Nuk flitet më për moral apo etikë profesionale. Arrestimi i mjekut shoqëruar nga policë me maska sikur të ishte krimineli më i madh në vend. Arrestimi sa për të frikësuar shqiptarët, ishte shfaqje e shëmtuar e një të mjeri që përkëdhel të fortët. Rama kërkon përuljen e mjekëve ndaj tij. Shfaqja u bë për të mbuluar mbylljen e shkollës Mehmet Akif, veprim me të cilin Rama tregoi se është peng i Erdoganit duke e kthyer Shqipërinë në satelit të Turqisë. Lufta kundër sëmundjeve fillon me luftë ndaj qeverisë së keqe.
