Pasditen e së premtes janë arrestuar në flagrancë 3 punonjës në Spitalin e Traumës në Tiranë.
Në kuadër të hetimit disa javor, gjatë operacionit policor janë arrestuar anestezisti Fitim Marku me profesion mjek reanimator; shtetasja me iniciale K.B. me detyrë infermiere dhe shtetasja S.B me detyrë mjeke.
Sipas Prokurorisë për kryerjen e skanerave pranë spitalit, personat tashmë të arrestuar merrnin shuma të konsideruesehme parash, duke kryer veprën penale të “korrupsionit” dhe “shpërdorim detyre”. Autoritetet njoftojnë se hetimet vazhdojnë për të vendosur përballë përgjegjësisë penale persona të tjerë që mund të jetë përfshirrë në skema korrupsioni.
“Merrnin para nga pacientët për kryerjen e skanerave, arrestohet mjeku, shoqërohen dy të tjerë. Sot më datë 23.09.22, pas një punehetimore disa javore me metoda speciale të hetimit, nën drejtimin e Prokurorisë se Rrethit Gjyqësor Tiranë, u finalizua operacionit policor ‘Skaneri’.
Nga veprimet hetimore të kryera për llogari të procedimit penal nr.6013, viti 2022, u kap në flagrancë dhe u bë shoqërimi në ambientet e drejtorisë vendore të policisë Tiranë, i shtetasve të mëposhtëm:
F.M., me profesion mjek reanimator;
K.B. me deryrë infermiere; dhe
S.B., me detyrë mjeke.
Nga hetimet e kryera deri më tani, rezultonte se këto shtetas, merrnin shuma të konsiderueshme parash nga pacientë të ndrydhëm për kryerjen e skanerave pranë Spitalit të Traumës në Tiranë”, thuhet në njoftimin e Prokurorisë Tiranë.
