Gjatë fjalës së saj në Kuvend, Elisa Spiropali ka thënë se opozita është marrë peng duke iu referuar Sali Berishës. Ajo po ashtu ka përmendur rastin ku në një takim, një grua i kërkoi leje Berishës që të “vriste” Ramën.
“ Historia nuk përsëritet asnjë herë, kjo ishte për të qeshur se për të qarë njerëzit i bënë kur keni qenë në qeverisje. Publiku është i detyruar ccdo ditë të Perëndisë të dëgjojë këtë lumë fjalësh nga frika dhe halli i një njeriu të vetëm. Opozita është marrë peng nga dy njerëz si ata grabitësit e bankës.
Nuk keni dëshirë dhe as mundësi të merreni përditë me ta, sepse ato që thonë sot i mohojnë nesër, nuk ndryshojnë çështjet por halli i tyre. Socialistët janë të Shqipërisë jo serbisë, nuk jemi armiq. Prandaj I ka mësuar njerëzit ti thonë na jep leje ti fusim plumbin ballit, sepse kështu ka dhënë ky njeri leje për vrasje.
Këta që nuk guxuan një herë të bëjnë transparencë të plotë mbi figurat, në 2015 e kaluam ne atë ligj, ju keni një inkoherencë ulëritëse. Ju e keni akuzën për tu mbrojtur, kësaj taktike i ka dalë boja! Në Senatin amerikan bëhen diskutimet më të ndjera për sulmet kibernetike këtu, këtu jo në kuvendin tonë”, ka thënë Spiropali.
Menjëherë për këtë deklaratë ka reaguar deputeti demokrat, Edmond Spaho i cili iu drejtua ministres Elisa Spiropalit që të rrijë e qetë se nuk e vret njeri pasi nuk vlen.
“Lëreni teatrin. Partia që i krijoi dosjet nuk mund ti hapë. Dua t’i them Spiropalit se ty nuk të vret njeri, pa merak se nuk vlen”, u shpreh ai.
Ministri i Drejtësisë Ulsi Manja i është përgjigjur deputetit të Partisë Demokratike, Edmond Spaho, duke dënuar gjithashtu gjuhën e ashpër të Berishës, i cili bëri thirrje për grevë.
Sipas tij Berisha shpalosi një platformë dhune. Me ironi, ministri falënderoi deputetin që kursyen Spiropalin, ndërsa theksoi se vrasjen e kanë në ADN.
“Faleminderit zotit Spaho që po na e kursen Elisën, por na trego kë keni në plan për të vrarë. Ishim dëshmitarë të shfaqje së një platforme dhune. U tha nga një njeri që ka qenë president dhe kryeministër në këtë vend. Ishin dëshmitarë të një përroi psiqik dhe ju e konsideroni normalitet. Më vjen keq për një pjesë prej jush për atë platforme dhunë. Për shqiptarët është fat që ai është në këtë sallë dhe uroj ta kemi shumë gjatë një njeri i tillë që në çdo tre fjalë ka dhunën duhet ta kemi këtu që shqiptar ta kujtojnë sa herë të shkojnë te kutia e votimit. Kjo është gjuha për të cilën duhet të shqetësohemi në këtë fjalë. Rri rehat zonja Spiropali se ty nuk të vret. Njerëz keni varrë, në 97, 98, 2011, vratë prapë atje në 2008. Distancohuni nga ky fjalor. Ndërsa ne për ju dhe atë do të jetojmë 100 vjet”, tha Manja.
