Në nëntor të vitin e kaluar, një shtetas i Kosovës kishte goditur 16 herë më thikë bashkëshorten e tij në Austri. Në gjykatën rajonale, 60-vjeçari u akuzua se pas një debati që kishte me gruan e tij (v.j. 50 vjeçare nga Shqipëria), ka rrëmbyer një thikë kuzhine dhe e qëllon atë duke i shkaktuar disa plagë, nga të cilat e plagosura nuk arriti të mbijetojë, shkruan albinfo.at.
I akuzuari e ka pranuar veprën penale teksa ka thënë në gjyq se mosmarrëveshja kishte filluar kur gruaja e tij u përpoq ta detyronte të hante supë në mëngjes. Përveç kësaj, gruaja e tij kishte folur keq për vajzën e tij nga martesa e mëparshme. Kjo e kishte shtyrë kosovarin të humbë kontrollin dhe ta godasë me thikë bashkëshorten e tij.
Mjeku ligjor, Walter Rabl, thotë se i akuzuari pasi e vrau gruan, kishte dalë duke për të shëtitur në qytetin e vjetër të Innsbruck-ut. Për shkak të mos ofrimit të ndihmës së shpejtë, gruaja ka ndërruar jetë. Pas një orë e gjysmë, kosovari kthehet tek ndërtesa e banimit dhe i bie ziles së fqinjit të cilit i tha të njoftoi policinë, raportojnë mediat austriake.
Gjyqtarja Helga Moser ka shpjeguar në vendimin e saj se goditja e disahershme me thikë, ikja nga vendi i ngjarjes dhe mosofrimi i ndihmës për të shpëtuar jetën e të plagosurës, kanë qenë arsyet rënduese në masën e dënimit me burgim të përjetshëm.
