Një aksident ka ndodhur këtë të Hënë në aksin rrugor “Maminas-Sukth”.
Një mjet tip “Ford” i cili drejtohej nga një 20-vjeçare, është përplasur me trafikndarësen.
“Rreth orës 10:45, në aksin rrugor “Maminas-Sukth”, shtetasja M. T., 20 vjeçe ka humbur kontrollin mbi automjetin tip “Ford” që drejtonte dhe për pasojë automjeti është përplasur me trafikndarësen”, njofton policia.
Blutë bëjnë me dije se 20-vjeçarja ndodhet në spital jashtë rrezikut për jetën, ndërsa grupi hetimor vijon punën për sqarimin e rrethanave të aksident.
