Detaje të reja janë zbuluar nga skema e trafikimit të 7 mjeteve luksoze që u sekuestruan nga policia gjatë operacionit “Luxury”. Mësohet se shtetas nga Kosova dhe Maqedonia e Veriut merrnin me qera mjete luksoze nga vende të ndryshme të Bashkimit Europian.
Më pas hynin në Shqipëri nga pika kufitare e Morinës dhe Qafë Thanës. Këta persona çaktivizonin GPS e makinave dhe më pas i deklaronin të vjedhura. Makinave u modifikohej numri i shasisë dhe më pas përdoreshin për biznes në Shqipëri duke i dhënë me qera.
Gjatë operacionit ‘Luxury’ policia arrestoi shtetasin Klaudio Begaj për të cilin ka hetuar në lidhje me modifikimet e shasisa. Operacioni vazhdon e sipas policisë kjo skemë rezulton se përdoret prej 5 vitesh dhe në Shqipëri dyshohet të jenë futur mbi 200 mjete luksoze. Disa muaj më parë është zhvilluar një operacion i ngjashëm. Aktualisht në gjykatën Penale Tiranë po zhvillohet masa e sigurisë për Klaudio Begaj 52 vjeç.
