Atentati në të cilin mbeti i vrarë Klisman Preçi dhe u plagos Ylli Brahimi po hetohet për një konflikt të ndodhur disa vite më parë në Itali, mes këtij të fundit dhe një personi, që është dhëndër në fisin e tij. Ngjarja dyshohet se lidhet me veprimtarinë e tregtisë së kokainës, mes grupeve kriminale që veprojnë në zonën e Lezhës dhe në disa zona të Italisë. Konflikti ka nisur për një sai të madhe kokaine që ka humbur në Itali, por përplasja është transferuar në Shqipëri, kur dhe Ibrahimi u ka shpëtuar dy atentateve.
Gjithsesi, deri më tani nuk është zbardhur asnjë emër. Në janar të vitit 2021 Ylli Brahimi u sulmua me armë sapo doli nga lokali. Ai mbeti i plagosur dhe u dërgua në spital. Pas një viti e pak muajsh, konkretisht në korrik të kësaj vere, dy persona me automatikë zbrazën 108 plumba në drejtim të makinës së blinduar tip “Toyota” të Ylli Brahimit. Në këtë ngjarje mbeti i vdekur Klisman Preçi, kurse Ibrahimi u plagos.
Të dyja ngjarjet dyshohet se kanë të njëjtët autorë e se kanë lidhje me ngarkesën e humbur në Itali. Vetë Ibrahimi ka deklaruar se nuk ka konflikte me njeri. Deri më tani prokuroria, ka në dorë 2 automjete për ekspertizë. “Audin” që u gjet i djegur në afërsi të Krujës si dhe automjetin tip “Toyota” të blinduar të Ylli Brahimit.
Burimi: OraNews
