Një shqiptar që dyshohet se ka kryer një vrasje 21 vite më parë ndaj të cilit kishte edhe një urdhër arresti, është vënë në pranga mëngjesin e sotëm në pikën kufitare të Kakavisë.
Krimi është kryer në Kanalaki të Prevezës në vitin 2001, në një biznes të përpunimit të mermerit, ku i kërkuari dyshohet se ka plagosur për vdekje një punëtor të huaj.
Arrestimi u krye nga efektivë të policisë së departamentit të kontrollit të pasaportave në bashkëpunim me nëndrejtorinë e Sigurimit të Janinës.
