Detaje të reja janë zbardhur nga plagosja në Tiranë pasditen e sotme.
Mësohet se dy fqinj janë zënë për një tub uji, dhe më pas njëri prej tyre ka plagosur tjetrin me mjet prerës thikë.
Ngjarja ka ndodhur në zonën e ‘Don Boskos’ në Tiranë, ku sipas të dhënave nga vendi i ngjarjes, ka qenë një tub ku kalonte uji, strumbullari i sherrit, fillimisht me fjalë dhe grushte dhe më pas njëri prej fqinjëve ka marrë thikën dhe ka qëlluar personin tjetër.
I plagosuri është jashtë rrezikut për jetën, dhe ka marrë plagë në krah.
Ndërsa është vënë në pranga autori i dyshuar.
Policia ende nuk ka dhënë informacione zyrtare në lidhje me ngjarjen.
