Kreu i Partisë Demokratike, Sali Berisha e ka cilësuar si një dështim të madh Reformën Territoriale aktuale e cila sipas tij është në shërbim të qeverisë. Berisha tha se kjo nxit diskriminimin madhor të qytetarëve shqiptarë dhe pabarazinë e tyre ndaj shërbimeve.
Gjatë deklaratës për mediat, Berisha tha se Reforma Territoriale po përdoret masivisht nga qeveria për të punësuar njerëz të Partia Socialiste.
“Reforma territoriale e qeverisë aktuale është një nga dështimet madhore në historinë e vendit, dështim, i cili nxori në pah diskriminimin madhor të qytetarëve shqiptarë, pabarazinë e tyre në eksesin ndaj shërbimeve. Një ndarje territoriale kryekëput e bazuar në dëshira partiake dhe në kundërshtim flagrant me kriteret e përcaktuara nga Kongresi i Autoriteteve Rajonale të Europës, në kundërshtim të hapur me interesat e qytetarëve shqiptarë. Por kjo reformë është një dështim i madh, gjithashtu sepse ishte presupozuar që të lehtësonte barrën e administratës mbi qytetarët shqiptarë. Rrogëtarët që këta qytetarë paguajnë për njësi vendorë. E vërteta është se nga 420 bashki e komuna, sot në 61 njësi të qeverisjes vendore, personeli, punonjësit që paguhen në këto 61 njësi janë mbi 50 për qind më shumë sesa nga ata që paguheshin në 420 njësi. Kjo reformë nuk ishte gjë tjetër vetëm reforma e punësimit partiak. Ndryshimet demokrafike kanë transformuar realitetin. Por, reforma me 61 bashki në të cilin Tirana me Durrësin me 1 milionë banorë, kanë 6 njësi, kurse Gjirokastra ka 7 njësi, kjo flet vetë. Ky është një parcelizim se si partia të sigurojë, apo format e tjera. Unë ju rikutoj këtu se Kashari në vitin 2012 ka qenë bashkia e 8 më madhe e vendit. Dhe sot, ajo është inkorporuar në Tiranë për qëllime elektrorale”, tha Berisha.
