Dy persona janë arrestuar nga policia këtë të Martë, pasi janë kapur me lëndë narkotike të llojit “kokainë” dhe “ketaminë” të cilat konsiderohen si drogëra të forta.
Blutë bëjnë me dije se në pranga ka rënë shtetasi E. H., 31 vjeç, pasi në fshatin “Dhërmi”, gjatë kontrollit fizik të ushtruar, iu gjet një sasi lëndë narkotike e dyshuar kokainë dhe shtetasi L. H., 24 vjeç, pasi gjatë kontrollit fizik dhe të automjetit më të cilin ky shtetas qarkullonte, iu gjet dhe iu sekuestrua një sasi lëndë narkotike e dyshuar ketaminë.
“Po nga specialistët për Hetimin e Trafiqeve dhe të Narkotikëve në DVP Vlorë, u referuan materiale në Prokurori dhe nisi procedimi penal në gjendje të lirë për shtetasin J. S., 23 vjeç, pasi në fshatin “Dhërmi”, gjatë kontrollit fizik të ushtruar, iu gjet dhe iu sekuestrua një sasi e vogël lëndë narkotike e dyshuar kokainë dhe ekstazi”, njofton policia.
