“Qendresa Qytetare” ka dalë sot në një protestë për studentët para kryeministrisë ku si fokus ishte mospërfshirja e studentëve në Paketën e Rezistencës Sociale e publikuar ditën e djeshme nga qeveria.
Sipas tyre, studentët nuk u përfshinë në paketë ndërkohë që viti i ri akdaemik është shumë pranë.
Ata deklaruan se shpenzimet për studentët në një vit akademik janë shumë të larta.
Veç tarifës shkollore për një vit master sipas tyre arrin deri në 1 milion e 700 mijë lekë të vjetra, ndërsa çmimet e larta të apartamenteve me qera janë të papërballueshme për ta.
“Cmimet e larta të apartamenteve janë të papërballueshme. Si mund ta përballojë një student qiranë e apartamenteve në Tiranë, kur u duhet të paguajnë si me qenë në Londër,” tha një prej tyre.