Foltorja e Sali Berishës do të rikthehet në 18 shtator me shqiptarët në Itali. Kreu i PD do të zhvillojë një takim online në orën 14:45, ku do të diskojnë çështjet kryesore të emigrantëve shqiptarë në Itali.
Në njoftimin e bërë publik nga Indrit Hoxha, Sekretar për Emigracionin dhe Diasporën thuhet se do të diskutohet edhe për votën e Diasporës, një e drejtë e mohuar.
Po ashtu teme e diskutimit do të jetë edhe ekonomia apo marrëdhëniet mes dy vendeve, Shqipëri-Itali.
“Komuniteti shqiptar në Romë do të zhvillojë një takim online me kryetarin e PD Sali Berisha.
Me shqetësimin e atyre që kanë familjet në Shqipëri dhe me krenarinë e të qenit në një komunitet vital në vendin fqinj, shqiptarët e Italisë do të bisedojnë me kryetarin e opozitës për prospektin ekonomik në marrëdhëniet mes dy vendeve, për kthimin e trurit dhe ikjen e truri, për traditën e miqësisë shqiptaro-italiane, për votën e mohuar të Diasporës, qeverinë e re që do të dalë nga zgjedhjet e 25 shtatorit dhe çfarë do të thotë të jesh shqiptar në Itali”, thuhet në njoftim.