Replika në komisionin e posaçëm për reformën administrative mes kryebashkiakut të Lezhës, Pjerin Ndreu dhe ish-kryebashkiakut të Kamzës Xhelal Mziu, të dy të thirrur në komision për dëgjesë.
Teksa mori fjalën, Mziu kritikoi parafolësin Pjerin Ndreu se ra në ‘kurth’ duke u mburrur për “punët e mira” në krye të bashkisë.
Kjo solli reagimin e Pjerin Ndreut dhe një debat lindi mes të dyve. Teksa Pjerin Ndreu foli pa mikrofon, Xhel Mziu iu drejtua: “Shpresoj të rritesh në nivel të paktën sa i Maliqit (iu referua kryebashkut të Maliqit) se ishte shumë konkret në gjëra. Nuk të shkon zgërdhinja, mos kalo në rolin e policit ordiner, mos më bëj si papagalli. Si kupton shumë gjërat ti.. O shoku Pjerin, shoku polic, po ku merr vesh nga shifrat ti, je dru nga kjo pjesë”.
