Presidenti turk, Recep Tayyip Erdogan u shpreh i kënaqur për arritjen e marrëveshjes mes Kosovës dhe Serbisë për dokumentet dhe shpreson për arritjen e një marrëveshjeje për targat e automjeteve.
Në konferencën e përbashkët për shtyp nga Beogradi me presidentin Aleksandër Vuçiç, Erdogan tha se Turqia është e gatshme të ndihmojë në dialogun midis dy vendeve, shruan Euronews Serbia.
“Edhe një herë, ne kemi konfirmuar se sa shumë besojmë në paqen në Ballkan. Ne gjithmonë kemi mbështetur zgjidhjen e problemeve përmes dialogut. Kur na kërkohet ndihmë, ne i ofrojmë të gjitha mjetet në dispozicion”, theksoi Erdogan.
Disa ditë më parë, Kosova dhe Serbia janë pajtuar që të heqin dorë nga lëshimi i dokumentit për hyrje-dalje për shtetasit e të dy vendeve.
Lajmi është dhënë nga shefi i diplomacisë së Bashkimit Evropian, Josep Borrell. Tashmë qytetarët e dy vendeve mund të udhëtojnë lirshëm duke përdorur dokumentet e tyre.
