Sekretari i Përgjithshëm i Partisë së Lirisë, Tedi Blushi thotë se Kosova është shembulli pse Edi Rama duhet shporrur sa më parë.
Ai ka publikuar masat e shpallur nga kryeministri i Kosovës Albin Kurti që parashikon një paketë të re ndihme ekonomike për të mbështetur familjet në nevojë.
Blushi shton se për shqiptarët e Shqipërisë taksat e të cilëve vidhen pa pushim, laku po ngushtohet dhe kosto e jetesës po bëhet gjithnjë e më e papërballueshme.
“Edi Rama duhet shporrur sa më parë sepse axhenda e tij është vetëm vjedhja, falimentimi dhe shfarosja e Shqipërisë”, shkruan ai.
Statusi i plotë i Tedi Blushit
Kosova është shembulli pse Edi Rama duhet shporrur sa më parë!
Kosova, me buxhet gati dyfish më të ulët se Shqipëria, është shembulli i duhur i drejtimit nga një Qeveri e përgjegjshme dhe patriote që mendon dhe kujdeset për xhepat e qytetarëve.
Në kushtet e kërcënimit nga kriza, Kryeministri Albin Kurti shpalli dje një paketë të re ndihme ekonomike për të mbështetur familjet në nevojë, që përfshin:
150 MILION EURO NDIHMË për 300 mijë familje dhe rreth 600 mijë qytetarë.
SUBVENCIONIM të faturës së rrymës për ata që kursejnë energjinë elektrike.
DYFISHIM të shumës së asistencës sociale për muajin shtator.
100 EURO mbështetje për pensionistët.
100 EURO mbështetje për studentët.
100 EURO mbështetje për punëtorë të ndërmarrjeve publike.
50 EURO shtesë për punëtorë të sektorit publik.
SUBVENCIONIM PREJ 50% të rritjes së pagës deri në 100 euro për punëtorët e sektorit privat, për 3 muajt e parë.
