Kryetari i PD-së, Sali Berisha foli për takimin me kryetarin e Partisë së Lirisë Ilir Meta, disa ditë më parë.
Duke iu përgjigjur interesit të gazetarët lidhur me takimin, temat e diskutimit dhe nëse aty u vendos data e protestës së radhës, Berisha tha se ende s’ka një datë për protestën që do zhvillohet, por shtoi se u dakordësuan për një aksion të fuqishëm opozitar.
“Jam takuar me zotin Meta. S’kemi caktuar datë fikse, por kemi rënë dakord për një aksion të fuqishëm opozitar në përballje me këtë regjim, i cili po shtrëngon çdo ditë e më shumë monizmin e tij në vend, vjedhjen, plaçkitjen e qytetarëve shqiptarë dhe sundimin e krimit”, tha Berisha.
