Sali Berisha ka publikuar në Facebook denoncimin e një qytetari dixhital i cili thotë se “Queens Casino” në Montreal të Kanadasë ka për pronarë Luftar Hysën dhe Dritan Rexhepin, i njohur si “baron” i madh i drogës që trafikohej nga Ekuadori në Evropë, apo dhe Eskobari i ri.
“Doktor nje informacion i sigurt qe kam nga miqte e mi Queens Casino ne pronesi te Luftar Hyses eshte bashk aksioner dhe Narkotrafikanti Dritan Rexhepi”- shkruhet në denoncimin e bërë nga qytetari në adresën e Berishës.
Berisha deklaroi sot për mediat se vendimi i SHBA për të sanksionuar familjen Hysa dhe bizneset e tij si organizatë terroriste është ekspozimi që po i bëhet narkoshtetit të ngritur nga Edi Rama.
Berisha e cilësoi Luftar Hysën si mikun e preferuar të Edi Ramës, të lidhur me kartelin meksikan të Sinaloas dhe me figura të larta të qeverisë shqiptare.
Lideri i opozitës denoncoi se Rama i bëri avokatinë Luftar Hysës duke e shpallur edhe investitor strategjik, ndërsa i hapi rrugë pastrimit të parave të drogës në vendin tonë.
