Kryeministri Edi Rama konfirmoi këtë të Premte deklaratat e mëparshme se personat e ndaluar pas incidentit në uzinën në Gramsh dyshohet se janë spiunë.
Por, sipas tij, misioni i tyre i vërtetë nuk është marrja e informacioneve për uzinën në Gramsh, po një tjetër, ende i panjohur.
Rama solli në vëmendje deklaratën e ministrit të Mbrojtjes Niko Peleshi i cili bëri të ditur se uzina në Gramsh është e deklasifikuar si objekt i rëndësisë së veçantë.
“Të thuash që po bëhet spiunazh që po fotografojnë fosilet është qesharake”, u shpreh ai.
Ne na shqetëson, çfarë misioni të vërtetë kanë këta, shtoi ai.
“Thelbi është ky, këta persona të cilët për fat të mirë u ndaluar nga rojet që bënë detyrën janë persona të dyshuar për spiunazh, por çfarë fshihet pas gjithë kësaj shfaqjeje kjo është pyetja”, tha Rama.
Deklaratat e bëri në përgjigje të interesit të gazetarëve, në një konferencë me kreun e qeverisë së Luksemburgut nga Tirana.
