Fundjava pritet të jetë nën ndikim të masave ajrore të paqëndrueshme.
Ditën e shtunë moti parashikohet me kthjellime dhe në mesditë zhvillim të vranësirave deri mesatare.
Sipas Shërbimit Meteorologjik Ushtarak, reshje shiu priten në orët e mesditës deri pasdite me intensitet të ulët të karakterit lokal përgjatë ultësirës perëndimore dhe në zonat malore. Era pritet të fryjë nga juglindja-veriperëndimi me shpejtësi mesatare 1-8m/sek. Valëzimi në dete pritet i forcës 1-2 ballë.
Ditën e diel moti parashikohet me kthjellime dhe vranësira në zhvillim në orët e mesditës. Në mesditë e pasdite përgjatë relieveve malore të vendit, parashikohen reshje shiu me intensitet të ulët. Era pritet të fryjë nga veriperëndimi me shpejtësi mesatare 1-8m/sek. Valëzimi në dete pritet i forcës 1-2 ballë.
