Pesëmbëdhjetë njerëz humbën jetën dhe 22 të tjerë u plagosën të shtunën në një aksident rrugor në juglindje të Turqisë ku u përfshinë një autobus, një zjarrfikëse dhe një ambulancë.
“Në total, 16nga qytetarët tanë humbën jetën dhe 22 u plagosën …. në një aksident që përfshiu një autobus, një ekip urgjence dhe një ambulancë … midis qyteteve të Gaziantep dhe Nizip,” tha Davut Gul, guvernatori i provincës Gaziantep.
Agjencia e lajmeve DHA tha se një ambulancë, një kamion zjarrfikës dhe një autobus që transportonte gazetarë u goditën nga një autobus pasagjerësh.
“Tre zjarrfikës, dy punonjës të urgjencës dhe dy gazetarë janë midis të vdekurve,” tha guvernatori i Gaziantepit.
Fotografi në DHA treguan pjesën e pasme të një ambulance të dëmtuar dhe mbeturinat metalike të shpërndara rreth saj.
Dy gazetarët mendohej se raportonin në emër të Agjencisë së Lajmeve “İhlas”.
Aksidenti ndodhi në orën 10:45 me orën lokale, teksa raportohet se një autobus pasagjerësh u përplas me automjetet e parkuara të shërbimit të urgjencës në autostradën Tarsus-Adana-Gaziantep mëngjesin e së shtunës.
Turqia ka një histori negative të sigurisë rrugore. Rreth 5.362 njerëz humbën jetën në aksidente trafiku vitin e kaluar, sipas autoriteteve turke.
