32 viktima dhe 75 të plagosur. Ky është bilanci tragjik nga tre aksidentet që kanë ndodhur këtë të shtunë në Turqi.
Tragjedia e Gaziantepit, 16 viktima dhe 22 të plagosur Pasditen e sotme një aksident ndodhi në një autostradë pranë Gaziantepit. Ekipet e emergjencës, zjarrfikës dhe mediat shkuan menjëherë në vendngjarje.
Në këtë moment, teksa raportohej gjithçka live, një autobus me pasagjerë me shpejtësi përplas makinat e mediave, zjarrfikësve dhe ambulancat në vendngjarje duke shkaktuar 16 të vdekur dhe 22 të plagosur. Mes viktimave raportohet për gazetarë, mjekë dhe fëmijë.
Aksidenti i dytë në Mardin, 16 viktima dhe 29 të plagosur
Pas atij të Gaziantepit, një tjetër aksident tragjik ndodh në Turqi, në Mardini. Një kamion të cilit dyshohet se i janë prishur frenat përplas turmën e qytetarëve dhe disa makina. Bilanci i viktimave i njëjtë me Gaziantepin, 16 të vdekur dhe 29 të plagosur. Pamjet janë të rënda teksa shihet kamioni që përplas turmën. Por tragjedia nuk ndalet.
Aksidenti i tretë në fshatin Asmalıırmak të Turqisë, 24 të plagosur, 3 rëndë
Aksidenti i tretë po këtë të shtunë tronditi fshatin Asmalıırmak. Një autobus me turistë ka humbur kontrollin duke u përplasur e përmbysur. Thellohet bilanci i të plagosurve por nuk raportohen akoma viktima. Sipas raportimeve 24 janë plagosur ndërsa tre prej tyre ndodhen në gjendje të rëndë.
