Petrit Vasili ka reaguar pas raportimit të “Boldnews” lidhur me tenderin e bashkisë së Tiranës të drejtuar nga Veliaj, që ka vendosur të shpenzojë 830 milionë lekë për blerje eventesh dhe shfaqjesh propagandistike.
Vasili e quan të turpshëm tenderin, që zhvillohet në një kohë kur për shumë familje gjendja ekonomike është jo e mirë.
“Veliaj qindra milion leke per ahengje, ndersa njerezit vuajne per buken e gojes! E pabesueshme, por e vertete”, shprehet deputeti i Partisë së Lirisë në një postim në rrjetet sociale.
“830 milion leke do te shpenzoje Bashkia e Tiranes per për fishekzjarrë, letra shpërthyese me ngjyra, podium prezantuesi, sistem pajisjesh për Di Xhej, blica për efekte speciale, tym skenik etj. Taksat e djerses dhe te mundit te mijra qytetareve te Tiranes behen rrush e kumbulla nga Bashkia per ahengje propagande. Ne keto kohe shume te veshtira ne vend qe çdo lek te shpenzohet nga Bashkia per hallet dhe mjerimin e shume familjeve ne varferi keta tallen dhe bejne baderdi duke perdorur taksat per ahengje propagande”, shton ai.
“Keta qe gjobisin si hijena me Policine Bashkiake mijra qytetare per automjetet, qe u prishin shtepite dhe i hedhin ne rruge te madhe pa asnje ndihme, qe rrisin Taksat si asnje Bashki tjeter, qe vjedhin qindra milione me inceneratore, jane po keta qe ja vene vulen turpit duke harxhuar parate per ahengje”, përfundon Vasili.
