Kryetari i Partisë Demokratike, Sali Berisha u ka bërë thirrje aksionerëve të fshehtë të aferës së Portit të Durrësit që të tërhiqen.
Ai i cilësoi ata si kryemafiozë që veprojnë kështu me një mafioz.
“A është vetëm kjo gjoba që shqiptarëve u bën Edi Rama me këtë aferë. Kaq e tmerrshme dhe e rëndë është gjoba që Rama u bën, duke i privuar ata nga porti shekullor.
Më këtë rast dua ti them Ramë, aksionerëve të fshehtë të kësaj kompanie, përfituesve fundorë, se ju që veproni kështu me një mafioz, jeni kryemafiozë dhe se kurrë nuk do të gëzoni pasurin publike të shqiptarëve në Portin e Durrësit. Hiqni dorë nga kjo aferë superskandal’, tha kreu i PD-së, Sali Berisha gjatë konferencës për mediat”.
Berisha ka deklaruar gjithashtu se ky është porti i një vendi të NATO-s dhe BE-së, dhe nuk mund të ndryshojë destinacioni i portit, pa marrë më parë miratimin e NATO-s dhe BE-së.
“Përveç kësaj, porti i Durrësit është port i një vendi të NATO-s dhe BE-së, porti i një rëndësie strategjike. Ndryshimet e destinacionit të të cilit nuk mund të bëhen pa një miratim të NATO-s dhe BE-së.
Ai tani ëndërron veten multimiliardjer dhe gjithçka bazuar në vjedhjen e pasurive publike të shqiptarëve’, tha në fund të deklaratës së tij, kreut i PD-së, Sali Berisha.”
