Deputeti i Partisë Demokratike, Belind Këlliçi, ka reaguar përmes një postimi në Facebook lidhur me koncertin e Kanye West, duke akuzuar kryeministrin Edi Rama se po e shfrytëzon aktivitetin për qëllime politike.
Sipas Këlliçit, kreu i qeverisë po e paraqet koncertin si një sukses personal dhe po përpiqet ta përdorë atë si kundërpërgjigje ndaj protestave të opozitës, duke e kthyer në një “antimiting”.
Deputeti demokrat ngriti edhe akuza për mënyrën e financimit të aktivitetit, duke pretenduar se organizimi i koncertit ka kushtuar 4.2 milionë euro nga fondet publike. Sipas tij, kjo shumë përbën një tjetër rast të keqpërdorimit të parave të taksapaguesve.
“4.2 milionë euro vetëm që Edi Rama të duket mirë. Ky koncert hyn që tani në listën e aferave dhe zullumeve që ai bën me taksat e qytetarëve”, shprehet Këlliçi në reagimin e tij.
