Një 27-vjeçar shqiptar është dënuar me 25 muaj burg për shkak të lëndimeve trupore, kanosje dhe dhunë në familje. Por shqiptari do të qëndrojë në burg vetëm 2 muaj dhe do të dëbohet nga Greqia, pasi rezultoi se ishte me dokumenta të parregullta.
27 vjeçari u arrestua mbrëmjen e së mërkurës në shtëpinë e tij, pas denoncimit të një fqinji, i cili kuptoi se bashkëshortja 24 vjeçare e autorit po dhunohej fizikisht dhe se i rrezikohej jeta.
Fqinji ka pasur guximin të trokasë në derë e çiftit.
27 vjeçari në fillim u përpoq të sillej mirë me të, por pas këmbënguljes së fqinjit, shqiptari filloi ta kërcënonte dhe atë.
Menjëherë është vënë në dijeni policia, i cili më pas ka arrestuar dhe autorin i cili është paditur dhe për kërcënimet që i ka dhënë fqinjit të tij.
Duke qenë se në kuadër të hetimeve paraprake u konstatua se çifti banonte ilegalisht në Greqi, Gjykata vendosi masën e paraburgimit prej dy muajsh për 27-vjeçarin, për të cilin do të nisë procedura e dëbimit, ndërsa pjesa tjetër e dënimit u pezullua.
Nga ana e saj, 24-vjeçarja ka të drejtë të kërkojë dhe të marrë leje qëndrimi në vend, por ajo vetë duket se dëshiron të kthehet pranë familjes së saj në Shqipëri.
