Zbardhen të tjera detaje lidhur me plagosjen e ndodhur mbrëmjen e djeshme në lagjen 1 Maji në Kuçovë, ku nga qytetarët u gjet në rrugë, shtetasi Admir Bejo, 46 vjeç.
Bejo u transportua fillimisht në spitalin Rajonall të Beratit ku mori ndihmën e parë mjekësore dhe më pas drejt spitalit të Traumës, ndërsa gjendja e tij shëndetësore, sipas mjekëve ishte e stabiluzuar.
Policia ka arritur të identifikojë autorin, ndërsa në vendin e ngjarjes u gjetën 4 gëzhoja të kalibrit 7.62.
Sipas raportimeve, mësohet se vëzhgimi i kamerave të sigurisë së bizneseve dhe banesave që ndodheshin në rrugën kryesore të lagjes “1 Maji”, është bërë e mundur zbulimi i kronologjisë së ngjarjes.
Mësohet se plagosja e Bejos nuk ka lidhje me të shkuarën e tij, një ngjarje të vitit 2007, kur ai dhe vëllai i tij Ilija Bejo plagosën me armë duke dalë nga hyrja e pallatit dy vëllezërit Kundja.
Plagosja e djeshme ka ndodhur për motive të dobëta, pas një konflikti të çastit të Admir Bejos me një banor tjetër të lagjes “1 Maji”, E.R. lindur në 1986, që banonte shumë pranë banesës së tij, pikërisht 200 metër nga vendi ku Bejo u gjet i shtrirë nê rrugë.
Burimet policore konfirmojnë se konflikti mes Bejos dhe autorit ka ndodhur në banesës e këtij të fundit, ku pasi kanë debatuar me njëri-tjetrin komshiu i tij ka nxjerrë pistoletën dhe ka qëlluar mbi 46-vjeçarin Admir Bejo.
Bejo ka ikur me vrap për të dalë nga banesa e autorit dhe në dalje është qëlluar sërisht por plumbat nuk e kanë zënë.
Pasi ka ecur disa mertra Bejo ka rënë në tokë, ku edhe është gjetur i shtrirë nga një kalimtar që ka njoftuar policinë.
Policia konfirmon se nga kqyrja e vendit të ngjarjes janë gjetur 4 fishekë,të kalibrit 7.62 mm.
