Ish deputeti, Lefter Maliqi, i ftuar në studion e Fax News, tha se faji për shpopullimin e vendit dhe gjendjen e varfërisë, ishte i politikës në përgjithësi dhe i mbështetësve socialistë, të cilët kanë lënë Edi Ramën të qeverisë.
Ai shprehu bindjen se Kryeministri ishte i frikësuar nga kreu i Partisë së Lirisë, Ilir Meta dhe kreu i PD, Sali Berisha, duke shtuar se tashmë pritej që të “shiste” edhe ish ministrin e Shëndetësisë, Ilir Beqaj që së fundmi uparaqit në SPAK për t’u marrë në pyetje mbi koncesionin e sterilizimit.
“Po shikoj nëpër vend vetëm mosha të vjetra ndërkohë që mbi 70% e rinisë është larguar nga vendi. Këto nëntë vite ky kryeministër me probleme të rënda mendore ia ka arritur qëllimit të vetë, për ta shpopulluar këtë vend dhe për të luajtur rolin e lobingjeve me ndërkombëtarët.
Jo më kot në lajmet dhe kronikat e zeza dalin vrasje, vetëvrasje etj. Vitet e fundit populli ynë është ndarë në të varfër dhe të pasur, ku nuk ekziston më shtresa e mesme. Faktikisht faji është i politikës në përgjithësi. Një pjesë e fajit e kanë edhe këta politikanë, si Berisha apo edhe Meta.
Edhe Berisha edhe Meta po ashtu si të tjerë socialistë e kanë ditur se ky ka qenë i shtruar tek spitali i pesës. E kanë dëgjuar se ky ka qenë problematik që në rini, e godinsin rinia dhe nuk e afronin. E kapte roja i fiqëve dhe u thonin se ishte djali i Kristaqit në momentin që e kapnin se bënte çmendurira.
Këtë e them sepse më vjen keq edhe për ata mbështetës të tij. Faji qëndron edhe tek politikanët që lanë një lule në krye të opozitës që u shit.
Këtë nuk e ka lodhur mandati i tretë, por ky tallet, sepse thotë i kam kriminelët i kam të gjithë. Frikën ua ka edhe Metës edhe Berishës, por ky njeri nuk ikën. E keni parë kryeministrinë si e ka bërë? Sikur e ka sulltanatin e vetë. Ky tallet me firmat e ministrave, kur vjen puna i shet. Flitet që mund të shesë Beqajn”, tha Maliqi.
