Ura e Polis Valë e cila shërben për 4 fshatrat Tanush, Polis Val, Polis Qendër, dhe fshati Nun prej vitesh është kthyer në një problem serioz për mbi 850 familje.
Siç edhe pamjet dëshmojnë ura është totalisht e amortizuar ku dita ditës rrezikon shembjen.
Banorët e irrituar shprehen se janë izoluar totalisht pasi mbi urë nuk mund të kalojë asnjë makinë, e në pamundësi të një zgjidhje prej vitesh ato janë të detyruar të rrezikojnë jetën duke kaluar në lumë.Situata paraqitet kritike pasi në rast të ndonjë urgjence në zonë nuk mund të futet e as të dalë asnjë automjet personal e jo më ambulanca e zjarrëfiksja.
Në përkrahje të banorëve ka qenë edhe kryetari I PD Elbasan Blendi Himçi i cili hodhi akuza ndaj bashkisë e cila edhe pse është në dijeni të këtij problem jetik nuk i ka pritur asnjëherë banorët.
Ura e Polis Valë është ndërtuar në vitin 2005 e që prej atëhere askush nga institucionet përgjegjëse nuk është kujdesur që të mirmbahet.Banorët jetojnë mes frikës e ndrojtjes pasi çdo ditë u duhet të kalojnë lumin me automjet pasi ura e amortizuar rrezikon dita ditës të shembet.
