Deputetja demokrate, Ina Zhupa, i ka drejtuar një thirrje SPAK, për të vepruar ndaj aferës së inceneratorëve, e cila ka thithur edhe fondet e Bashkimit Europian për fermerët.
“310 mijë euro grant nga fondet e IPARD-it. Elton Bualli, drejtori i përgjithshëm i inceneratorit të Tiranës, “fermeri” përfitues i granteve të BE-së”, shkruan Zhupa në një postim në rrjetet sociale.
Postimi nga Ina Zhupa
Gogo.al ka zbuluar personin që është përfituesi i 310 mijë euro nga skema e bujqësisë, ai është Elton Bualli. I cili nuk është një punonjës i thjesht i inceneratorit të Tiranës, është drejtori i përgjithshëm. Skema e marrjes së fondeve së bujqësisë është pjesë e skemave të shumta të përdorura nga inceneratori i Tiranës.
Personalisht jam përballur dy herë me të në cilësinë e drejtorit të inceneratorit të Tiranës:
– Në 18 Tetor 2020 Elton Bualli ka dalë jashtë landfillit duke na sulur punonjësit dhe duke dhënë urdhër të na përndiqnin me makina. Kemi qënë për ti denoncuar bashkë me Belind Këllicin. (https://youtu.be/1uWv4gkR2EY)
– Në 11 shkurt 2022 Elton Bualli ishte personi që priti deputetët e kuvendit të Shqipërisë, nga komisioni hetimor edhe pyetjeve të mia i është përgjigjur ai duke bërë avokatin e inceneratorëve (https://youtu.be/Q630AVPY6pk)
Pra një autoritet i lartë që merr përsipër të presi deputetët e një komisioni hetimor.
Sipas dokumentave të bëra publike nga media:
Me datën 16 gusht 2021 shoqëria “Integrated Energy BV SPV”, që ka marrë me koncesion ndërtimin dhe operimin e incerneratorit të Tiranës, i ka shitur shtetasit Elton Bualli një sipërfaqe toke arë 8500 metër katror në zonë e Sharrës.
Më pas shtetasi Elton Bualli ka bërë një kontratë konsulence me kompaninë “Consulting SE Partners” në pronësi të Stelja Gugallës, që të plotësojë të gjitha dokumentet e nevojshme tek Agjencia e Zhvillimit Bujqësor dhe Rural për të përfituar fonde për ndërtimin e një fermë në zonën e Sharrës.
Po SPAK nuk i shikon keto skema? Kur do veproj SPAK?
