Fifi dhe Adis Patushi po e shijojnë pafund lidhjen e tyre të dashurisë.
Teka ishte e ftuar së bashku me Roza Latin në emisionin “Prive Reality”, kjo e fundit e ka pyetur në lidhje me planet për fëmijë, por Fifi e ka shmangur përgjigjen. Ajo ka treguar se “po pret” si fillim një propozim nga Adisi duke shtuar se nuk do donte kurrë të merrte hapin e parë në këtë drejtim.
“Është një problem unë s’i propozoj atij, rasti i vetëm ku unë jam një femër. Se gjithnjë kam qenë burri,”- u shpreh Fifi.
“Kam menduar por tani e kam kuptuar çfarë është dashuria. E kam për herë të parë. Adisi më ka bërë të vlereësoj veten, më ka bërë të kuptoj vlerën time si njeri dhe si femër. Në ditën e parë që e kam takuar kam thënë që “ai është i duhuri.”- u shpreh Fifi duke mos e fshehur aspak dashurinë për Adisin.
Fifi dha një këshillë të fundit duke shprehur se zhgënjimet nuk janë asgjë tjetër veçse një mësim.
“Jam falenderuese për zhgënjimet dhe gabimet në jetë. Ato të bëjnë më të fortë, ose të shtojnë nivelin e njerzillëkut. Mua më kanë bërë të piqem shumë dhe të kuptoj shumë gjëra ndryshe dhe të reflektoj në shumë situata. Unë ndonjëherë vuaj shumë dhe them pse nuk jam njeri normal, të punoj një punë normale, ndalem dhe mendoj “pse”. Pastaj thua më mirë kështu,”-përfundoi Fifi.
