Deputetja demokrate Ina Zhupa, përmes një postimi në rrjetet sociale, shkruan se 6 vjet nga vrasja e Ardit Gjoklajt në Landfillin e Sharrës, nuk ka ende fajtorë dhe drejtësi.
“Kujtojmë Arditin dhe nuk do rreshtim kurrë të kërkuari drejtësi për të.
Fajtorë ende nuk ka! Drejtësi ende nuk ka! Landfilli i Sharrës sot quhet “incenerator” kryhet një krim tjetër ndaj qytetarëve. Ajo është skenë dyfishe krimi që vetëm drejtësia shqiptare nuk e shikon”, shkruan Zhupa.
Deputetja thekson se Arditi ishte fatkeqi që donte të mblidhte pak para për librat e shkollës dhe gjeti vdekjen nga kushtet zero që bashkia lejonte të punohet nën hundën e saj.
“Fajtorët janë me kostume dhe ende qeverisin, ndërkohë familja pret drejtësi”, shkruan Zhupa.
