I ftuar në SYRI TV, avokati Altin Goxhaj ka folur për protestën e radhës, e cila do të mbahet ditën e hënë, pas tragjedisë në Potam dhe ultimatumin e qytetarëve ndaj Qeverisë për dorëheqjen e dy ministrave dhe drejtorit të Policisë së Shtetit.
Goxhaj ka theksuar se kemi të bëjmë me një sjellje arrogante dhe injorim totalisht të ndjeshmërisë publike nga kryeministri Rama, pasi ka reaguar sot vetëm me një talljen e tij me uljen e çmimit të naftës me vetëm 1 lek.
Avokati tha se kemi të bëjmë me ndjeshmëri familjare në këtë histori pasi është një protestë e familjeve shqiptare, që kjo qeveri i ka hequr gjumin duke i sjellë gjendje ankthi dhe pasigurie.
Sipas Goxhajt, kjo gjendje ankthi dhe pasigurie po stabilizohet nëpërmjet arrogancës ku ministri i Brenshëm edhe pse është totalisht përgjegjës pasi kanë futur në punë një njeri kaq të lig, futet me skaf në mes të njerëzve dhe kërkon të largohet.
“Përgjigjja e vetme që kemi pasur në këto 48 orë është që Edi Rama ka ulur çmimin e naftës me 1 lek, pra kemi të bëjmë me një sjellje arrogante dhe injorim totalisht të ndjeshmërisë publike. Ndjeshmëria publike ishte te pardje te fëmijët në kurrizët e prindërve. Ishte protesta me më shumë fëmijë që unë kisha parë. Kishin ardhur familjarë. Kemi të bëjmë me ndjeshmëri familjare në këtë histori pasi është një protest e familjeve shqiptare.
Kemi parë njerëz që lotonin atë ditë në protest. Ska të bëjë thjesht me një ngjarje fatkeqe të ikjes nga kjo jetë të një ëngjëlli të vogël. Kjo është një vrasje e gjumit të familjeve shqiptare. Kanë krijuar gjendje ankthi.
Ka një gjendje tensioni që po i shoqëron familjet shqiptarët. Dhe kjo gjendje ankthi dhe pasigurie po stabilizohet nëpërmjet arrogancës ku ministri i Brenshëm edhe pse është totalisht përgjegjës pasi kanë futur në punë një njeri kaq të lig, futet me skaf në mes të njerëzve dhe kërkon të largohet. Ka qënë shefi i të gjithë Policisë së Himarës. Një person i tillë që ishte hequr nga puna për lejimin e kultivimit të kanabisit. Kishin ndërmend ta reabilitonin dhe ta bënin shef të antidrogës në Elbasan, mendoni se çfarë lidhjesh ka ai njeri dhe çfarë personazhi është ai njeri.
Gledis Nano ka bërë një letër të turpshme dje, ku qahej dhe ulëriste se asnjë institucion shtetëror nuk i përgjigjej atij dhe nuk ia var si drejtoj policie. Një drejtoj policie që nuk e vendos asnjë në kandar. As kryetari i bashkisë as kurrëkush. Ky që ka bërë dhe emërimin përkatës personalisht dhe me veprimet e veta ka sjellë edhe vdekjen e vogëlushes. Ky me veprimet e veta ka krijuar këtë terror në shtëpitë e shqiptarëve. Këtyre nuk ua ndjen fare, nuk duan tja dinë.
Kjo arrogancë që u shfaq sot te çmimi i naftës si mesazh publik që mua nuk ma ndjen fare për ju apo edhe te ai koncerti i turpshëm në Durrës me militantët e rrjedhur që nuk duan as ujë as bukë vetëm partia të jetë mirë, pra kjo është situata që ne kemi për ditën e hënë.
Të hënën kemi një protest dhe do ta fillojmë përsëri te Ministria e Brendshme. Protesta do të jetë në orën 19:30 pasi edhe qytetarët në këtë orë janë bashkuar.
Do jetë një marshim pasi ka shumë rëndësi duke treguar një përshkallëzim duke shkuar te Kryeministria”, tha ai.
