Tedi Blushi, Sekretari i Përgjithshëm i Partisë së Lirisë, i ka drejtuar një apel Kryeministrit Edi Rama që të heqë taksën e rrugës së Kombit për turistët nga Kosova.
Blushi shkruan se për të disatin vit radhazi qytetarët e Kosovës kanë zgjedhur Shqipërinë si destinacion kryesor për turizëm veror, ndërsa me të ardhurat e tyre ata po mbajnë në këmbë këtë sektor jetik për ekonominë e vendit, duke harxhuar miliona euro kursime dhe të ardhura të fituara me shumë mund.
“Edhe sikur të mos paguhej asnjë euro, por vetëm ndalesa te trau është një bezdi, fyerje, por edhe kosto më shumë për qytetarët e Kosovës.
Edi Rama të lerë mënjanë urrejtjen e madhe për Kosovën dhe të heqë menjëherë taksën në Rrugën e Kombit!
Të paktën Qeveria të rimbursojë për sezonin e verës të gjithë qytetarët e Kosovës që vijnë në Shqipëri.
Ky është patriotizëm i vërtetë!
“Ballkan të Hapur” duke i vendosur barriera Kosovës nuk mund të ketë!”, shkruan Blushi në rrjetet sociale.
