Në një kohë kur temperaturat në Tiranë regjistrojnë vlera shumë të larta, qytetarët vuajnë mungesën e ujit në rubinetat e çezmave. Edhe pse paguajnë ndër çmimet më të larta për ujin, i cili nuk konsumohet për tu pirë, sërisht ai mungon.
Video e mëposhtme tregon atë se si shpërdorohet uji në zonën e Freskut në Tiranë. Pamjet janë publikuar nga kreu demokrat, Sali Berisha, i cili shkruan se Erion Betoni lë pa ujë Tiranën, duke e kthyer si Kabulin.
Postimi nga Berisha
Erion Betoni lë pa ujë Tiranën duke e kthyer si Kabuli!
Prej disa ditësh qytetarët janë ankuar për mungesën e theksuar të ujit, kësaj here më së shumti në zonën e Freskut. Erion Betoni e ka shëndrruar Tiranën në një betoniere të madhe llaçi dhe katrahure, ku uji dhe dritat ikin e vijnë siç i teket Erionit.
Ju ftoj të ndiqni mesazhin e qytetarit dixhital. sb
Prsh doktor, keto pamje jane ne zonen e Freskut ku kemi disa dite qe nuk kemi uje rregullisht dhe jemi ankuar per kete gje, por fjala jone si gjithmone bie ne vesh te shurdhet. E kujt ti thuash?! Por sot duke kaluar me makine prane shtepise kuptova pse nuk kemi thuajae fare uje. Lali Eri dhe stafi i tij as qe duan tja dine per carjen e tubave, i kane lene ashtu si shatervane, te cilat ndodhin cdo dite artificialish ne zonen tone. Po kujt ti ankohemi? As qe do tja dije njeri. Keta po tallen me ne cdo dite duke e kthyer Tiranen dhe Shqiperine ne Kabul. Trafik, tym, beton, ndertime, pa uje, pa drita, pa rroga, pa pensione. Duhet ta shporrim Ramen me patjeter. Eshte e pamundur jetesa ne kete vend. Flm doktor.
