Kreu demokrat, Sali Berisha, u shpreh se qytetarët janë revolutuar pas vogëlushja u vra në Himarë nga një skafist i Qeverisë.
Berisha tha se me të drejtë qytetarët po kërkojnë largimin e Bledi Çuçit dhe Mirela Kumbaros nga postet qeveritare.
Sipas tij, me qëndrimin e mbajtur Edi Rama tregoi se ai nuk ka asnjë përgjegjësi, madje për të edhe viktima mban përgjegjësi dhe ai jo.
“Ka dëshmuar se nuk ka as minimumin e ndjenjave dhe përgjegjësive. Kjo është arsyeja që ai përdori epitete të rënda, si vampir, dhe kjo tregon se ai ka çrregullime të rënda, morale në rradhë të parë.
Kjo vogëlushe u blua nga skafi i njeriut të Qeverisë, ndërsa ndodhej 2 metra larg bregut të detit. Nëse do të isha në vendin e Ramës, do e shkarkoja Çuçin dhe Kumbaron në 4 minuta, nëse s´do iknin për 3 minuta vetë.
Këta po përpiqen të hedhin përgjegjësinë te zinxhiri komandues i policisë së Vlorës. Nga të dhënat paraprake këtë skafistin e Qeverisë e ktheu në detyrë si polic një ministër”, tha Berisha.
Ju i bashkoheni protestës?
Kjo është një protestë e organizuar nga qytetarët, për një kauzë shumë të ndjeshme, e cila ka tronditur mbarë Shqipërinë, por jo qeveritarët, ndonëse vogëlushja u vra nga një skafist i qeverisë.
Qytetarët kërkojnë me shumë të drejtë, dorëheqjen e menjëhershme të ministrit të Brendshëm dhe Turizmit, mirëpo kreu i tyre që mbron veten e tij, deklaron se është i vendosur të mos reflektojë dhe të mos tregojë as minimumin e ndjenjave për këtë zhvillim dramatik.
Atëherë ai vendosi të përdorë epitete, një njeri me probleme të rënda mendore, por morale më shumë, jo vampir apo tjera. Ndërkohë mediat dhe politikanët po shprehnin me të drejtë, ndjeshmërinë e madhe dhe revoltën, sepse kjo vogëlushe u blua nga skafi vetëm 2 metra larg bregut, ku një skaf nuk mund të shkonte, por veç i qeverisë.
Po të isha në vendin e Ramës, nëse Çuçi nuk do të kishte ikur për 3 minuta, në të 4 do e kisha shkarkuar, atë dhe ministren e Turizmit. Këta përpiqen që me zinxhirin e policisë së Vlorës, të kapërcejnë një nga ngjarjet më tragjike që ka ndodhur në këtë vend.
Nuk them që policia nuk ka përgjegjësi. Unë nuk e njoh drejtorin e Vlorës. Ai e ka shkarkuar këtë polic muaj më parë, por e kanë kthyer.
Të dhënat paraprake janë që e kanë kthyer ministra në punë atë.
Qytetarët në protestë, ju jeni në protestë, deputetët në protestë, a mendoni se do tyë reflektojë qeveria?
E vështirë që të reflektojë qeveria, por i ftoj qytetarët që të vazhdojnë protestën dhe ti imponojnë qeverisë të reflektojë.
A mjafton dorëheqja e Çuçit?
Një hap në drejtimin e duhur është ajo. Sepse është ministri përgjegjës për të.
Keni dhe rastet e tjera. Ai sillet, si të thuash. A nuk ndodhi në maj, Ilvi Meta që u var në qeli, e morën në komisariat se vodhi një derë.
Ky që merr 400 milionë euro, nuk i ndodh asgjë. Çuçi duhet të jepte dorëheqjen. Rasti i të riut në Durrës, që nuk kishte asnjë roje bregdetare. Politika është dhe do të jetë gjithmonë në qendër të problemit.
