Kreu i Këshillit Kombëtar të PD, Edi Paloka, përmes rrjeteve sociale, ka reaguar mbi atë që mund të quhet debati më i fundit i stisur nga Autoriteti i Dosjeve, i cili një ditë më parë hodhi akuzën se ish-Presidenti Ilir Meta, mund të ketë qenë bashkëpunëtor i Sigurimit të Shtetit.
Paloka shkruan se refuzon të besojë e të marrë të mirëqënë çdo akt që mban mbi vete shenjën e Edvin Ramës, ndërsa thekson se duhet të jesh komplet idiot që të mos kuptosh sepse i serviren opinionit publik sot lajme të tilla.
Postimi nga Edi Paloka
Une nuk marre persiper as te mbroje , as te denoje , as te mohoje e as te pranoje dicka per te cilen nuk kam dijeni dhe asnje te dhene rreth te vertetes.
Per princip , jo sot, po kurdohere, kam refuzuar e refuzoje te besoje e te marre per te mireqene cdo akt qe mban mbi vete shenjen e Edvin Rames. Megjithate per sa permenda me lart, nuk do te merrem fare me aktin e tij te fundit, me akuzen e fundit ndaj Ilir Metes.
Mjafton per te me ngjallur neveri thjeshte fakti qe nje parti e cila thelbin e saj e ka tek Sigurimi i Shtetit ; nje parti qe edhe sot funksionon me format e Sigurimit te Shtetit ; nje parti qe sot drejtohet nga kelyshet e Sigurimit te Shtetit ; nje parti e cila sapo u rikthye ne pushtet anulloi ligjin e lustracionit te miratuar nga PD e qe ne keto vite , ne vazhdimesi , ka hedhur poshte cdo propozim te opozites per nje ligj tjeter lustracioni ; nje parti qe e mbushi drejtesine dhe administraten me kriminele te Sigurimit te Shtetit; partia qe ne fund te fundit ka ne krye sot te birin e atij qe firmoste varjen e poeteve e qe per mbi 15 vjet mbajti si numrin dy te tij dhe caktoi Kryetar Parlamenti ministrin e fundit te Sigurimit te Shtetit…sot papritur na “qenka tronditur” nga nje dosje qe i eshte servirur opinionit , po me format e Sigurimit te Shtetit.
Duhet te jesh komplet idiot qe te mos e kuptosh se perse i serviren opinionit pikerisht keto dite lajme te tilla . Po duhet te jesh edhe me idiot po besove se me keto manovra do arrish ti shpetosh fatit qe te pret…Edvin !
