Një aksident rrugor ka ndodhur sot në Pejë, ku vetura ka goditur një këmbësore. Telegrafi mëson se këmbësorja është prokurorja e Prokurorisë Themelore në Pejë.
Lajmin për aksidentin e ka konfirmuar zëdhënësi i Policisë së Kosovës për rajonin e Pejës, Driton Rugova.
“Rreth orës 14:30, Policia është informuar për një aksident i cili ka ndodhur në rrugën ‘Adem Jashari’ në Pejë. Në këtë aksident u përfshinë një veturë dhe një këmbësore. Si pasojë e aksidentit këmbësorja ka pësuar lëndime trupore”, tha Rugova.
Më tej ai bëri të ditur se e aksidentuara është dërguar në Emergjencën e Spitalit Rajonal në Pejë për trajtim mjekësor.
