Një 33-vjeçar nga Lushnja, u arrestua nga policia e Sarandës, pasi u kap duke transportuar emigrantë të paligjshëm, kundrejt fitimit.
Policia njoftoi se ka arrestuar shtetasin Mirjan Doko.33 vjeç, banues në Lushnje, i cili me makinën e tij transportonte emigrantë të paligjshëm, të cilëve u kishte premtuar të kalonin kufirin në këmbim të shumave monetare.
“Finalizohet me sukses operacioni policor i koduar “Pass”. Transportonte 5 emigrantë të paligjshëm, vihet në pranga 33-vjeçari.
Specialistët e Seksionit për Hetimin e Krimeve në Komisariatin e Policisë Sarandë, në bashkëpunim me shërbimet e tjera të Komisariatit Sarandë, në vijim të punës për goditjen e aktivitetit kriminal të dhënies ndihmë shtetasve të huaj, për kalim të paligjshëm të kufirit, kundrejt fitimit, në bazë të informacioneve policore, kanë organizuar dhe finalizuar me sukses operacionin policor “Pass”, si rezultat i të cilit u arrestua në flagrancë shtetasi Mirjan Doko.33 vjeç, banues në Lushnje.
Arrestimi i këtij shtetasi u bë pasi, në vendin e quajtur “Ura e Çukës”, u kap në flagrancë nga shërbimet e Policisë duke transportuar me automjetin e tij “Benz”, 5 emigrantë të paligjshëm, kundrejt fitimit.
Materialet i kaluan Prokurorisë pranë Gjykatës së Shkallës së Parë Sarandë, për veprën penale “Ndihma për kalim të paligjshëm të kufijve””, njoftoi policia.
