Vijon të mbetet mister ajo se çfarë ka ndodhur me një kontenier në portin e Durrësit, për të cilin policia ka ngritur dzshime se mund të ketë pasur lëndë narkotike, ndërsa mungojnë rreth 50 arka me banane, ndërsa kontenieri nuk ka pasur plumbcet e sigurisë.
Policia njoftoi mëngjesin e sotëm arrestimin e 20 personave, 16 prej të cilëve punonjës të sigurisë në Portin e Durrësit.
Të arrestuarit po merren në pyetje, ndërsa nga raportimet mediatike, që i referohen burimeve nga policia e Durrësit, ato kanë mohuar përfshirjen në ndonjë veprimtari të paligjshme, përfshi edhe shpërdorimin e detyrës.
“Kontrolloni kamerat e sigurisë. Nuk kemi asnjë lidhje me këtë pune. Kush guxon te afrohet ne kontejner ndërkohe qe kamerat monitorojnë gjithçka. S’kemi asnjë lidhje me akuzat e ngritura”, mësohet të jenë shprehur disa nga të arrestuarit.
Nuk dihet nëse policia ka nisur të kqyrë kamerat e sigurisë, të cilat mund të hedhin më shumë dritë mbi atë se çfarë ka ndodhur, dhe sa mund të qëndrojnë dyshimet e ngritura mbi mundësinë e lëndës narkotike në kontenierin, që sipas raportimeve, i mungojnë 50 arka me banane.
Ndërkohë shoferi ka thënë se nuk ka asnjë përgjegjësi.
