Një 27-vjecar shqiptar u dënua nga gjykata e Dublinit në Irlandë për shkak se ka kaluar ilegalisht 12 bashkëkombas drejt Britanisë së Madhe.
Ndricim Qema akuzohet për përfshirje në krimin e organizuar në Irlandë, që vepron në trafikun e qenieve njerëzore. Prokuroria e gjykata irlandeze ka zbardhur edhe skemën që përdorte Qema.
Ndricim Qema i merrte deri 10 mijë euro cilitdo që donte të hynte në Britaninë e Madhe përmes Irlandës. 27-vjecari ishte një pikë kyce e lidhjes së bandës shqiptare.
Ai ka arritur në Irlandë në vitin 2018 dhe ishte kryesisht nën urdhrat e babait të tij Fatmir Qema, duke cuar njerëz drejt Britanisë së Madhe.
I riu ishte specialist në gjetjen e dokumentacionit të rremë, sikundër edhe në pastrimin e parave. Ndërsa i riu Qema drejtonte trafikimin e njerëzve drejt Britanisë së Madhe, shefat e tij shqiptarë prostituonin vajza e grabisnin dyqane.
Banda përdorte më shumë dokumente italiane, për shkak se janë më të lehta që të falsifikohen. Sapo arrinin në Irlandë, në aeroportin e Dublinit, shqiptarët hidhnin dokumentet e tyre dhe kërkonin azil.
Nga atje, ata coheshin në një hotel, ku qëndronin deri ditën e nesërme. Më pas, Qema bënte dokumentacionin e ri të falsifikuar dhe organizonte kalimin e tyre drejt Britanisë së Madhe.
Qema u arrestua në një aeroport të Belfastit në shtator 2019, teksa po tentonte të kalojë me dokumentacion të rremë me tjetër shqiptar. Ai ishte dëbuar më parë nga Britania e Madhe ndërsa telefoni i tij që u gjet në një makinë në një parking të aeroportit të Belfastit, nxori zbuluar rrjetin e kontrabandës së njerëzve.
Telefoni përmbante 30 foto të letrave false të identitetit si dhe mesazhet mes Qemës dhe babait të tij në Shqipëri. Gjithashtu kishte edhe një mori mesazhesh mes Qemës dhe njerëzve në Shqipëri që kërkonin të vinin në Irlandë.
Qema ka pastruar gjithsej 44 mijë paund midis vitit 2018 dhe 2020. Transfertat e parave janë përdorur në masë të madhe. Për të pastruar paratë, Qema përdori një sërë kartash identiteti false. Ndriçim Qema u dënua me 5 vjet burg.
