Kryeministri Edi Rama u shpreh sot gjatë një konference të përbashkët me Komisionerin për Zgjerimin, Oliver Varhelyi, se Shqipëria do të kërkojë ndarjen nga Maqedonia e Veriut në procesin e negociatave, nëse Parlamenti i vendit fqinj nuk pranon planin francez.
Rama tha se në dijeninë e tij, Parlamnti maqedonas do të vijojë debatet, dhe shpresoj që në fund të kemi një vendimmarrje pozitive.
“Nëse do të kemi një vendimmarrje të tillë, shpresoj që shumë shpejt do të kemi edhe një vendim pozitiv për hapjen e negociatave mes vendeve tona dhe BE-së. Por nëse kjo nuk ndodh, atëherë ne që të nesërmen e vendimit të Parlamentit maqedonas do të kërkojmë ndarjen nga dosja maqedono-bullgare dhe do të vijojmë rrugën tonë drejt BE-së”, tha Rama.
