Komisioneri i BE-së Olivér Várhelyi u shpreh se në ditët në vijim mund të ketë një lajm të mirë për Shqipërinë lidhur me hapjen e negociatave me BE.
“Jam me shpresë se në ditët e ardhshme do kemi lajmin e mirë. Dhe në javën e ardhshme do kemi vendimin që kemi kaq kohë që e presim.” tha Varhelyi.
Më pas ai u ndal tek diskutimet në Maqedoni duke thënë se, duhet një vendim i qartë që ky shtet të tregojë se është gati për atë që është vënë në tryezë nga presidenca Franceze.
“Ne duhet të presim diskutimet, debatet dhe ky është një proces demokrat. Mendoj se Shkupi do të marrë një vendim, aq më shumë kur patëm edhe një vizitë atje nga Presidentja e Komisionit Europian”, tha ai.
