Kryebashkiaku i Tiranës, Erion Veliaj, nuk ndal sulmet ndaj Presidentit Ilir Meta. Ndërsa njoftoi projektin për zgjatimin e Lumit Lana nga pjesa e Pallatit me Shigjeta, e deri në Kashar, Veliaj tha se familjet, objektet e të cilave i prek projekti, edhe nëse nuk i kanë të legalizuara, do të dëmshpërblehen me aq metra katrore sa kanë aktualisht.
Kreu i Bashkisë nënvizoi se puna në qytet do të vijojë edhe pse sabotuesit do të vijojnë të pengojnë.
“Siç e dini, kemi marrë një kredi nga Banka Europiane e Investimeve. Një kredi për të cilën plotfuqishmërinë nuk e morëm kurrë nga Ilir Meta, si sabotuesi kryesor i projekteve në Tiranë. Unë kam parë kryetar bashkie qe do të bëhet president, por president që do të bëhet kryetar bashkie, hera e parë që e dëgjoj.
President që do të bëhet brigadier komunaleje është akoma më e rrallë. Ka bllokuar çdo projekt, përfshi edhe këtë”, tha Veliaj.
