Deputeti socialist Petro Koçi ka komentuar protestën e thirrur dje nga Partia Demokratike dhe shoqëria civile, të cilës iu bashkuan me mijëra qytetarë, ndërsa gjithçka u përmbyll pa incidente.
Në reagimin e tij, Koçi e ka interpertuar protestën si një lojë të oligarkëve, ndërsa shkruan se “shpenzimet e protestës vertetuan gjithashtu se oligarkët bëjnë lojë me shumë porta”.
Postimi i plotë i deputetit të PS:
Edhe se nuk ishte protestë me e madhe nga ato që orientonte Lul Basha serish mund të themi se protesta e mbremshme ishte një lajm i keq për Shqipërinë.
Dëshmoi se për pëdëistet Saliu është me i rëndësishëm se Shqipëria.
Dëshmoi se euroatlantizmi ne PD nuk është bindje, por retorike pragmatiste.
Shpenzimet e protestës vertetuan gjithashtu se oligarkët bëjnë lojë me shumë porta.
Nga ana tjetër verteton se standarti kulturor dhe politik i Berishës është mjaft i përhapur në shoqëri. Dëshmon se rinovimi i vertetë politik, ndryshimi i lidershipit politik të ne është sëprapthi. Prandaj Nano iku para Berishës kur duhej të ndodhte ndryshe. Iku Luli para Berishës, kur ky i fundit duhej të ishte në pension.
Ndërsa nga gjuha e analisteve kuptoj që dhuna në shoqërinë tonë është akoma pasion.
