Raporteri për Shqipërinë në grupimin e Partive Popullore Europiane dhe Eurodeputeti, David Lega i ka bërë thirrje kryeministrit Edi Rama për të mbështetur gazetarinë e lirë.
Si reagim ndaj masës së “riedukimit” që Rama dha ndaj një gazetari gjatë konferencës së fundit për shtyp Lega i kujton kryeministrit shqiptar se liria e mediave është kusht i panegociueshëm për BE-në.
“Liria e shtypit është e panegociueshme për anëtarët e BE-së dhe shtetet aspirante anëtare. I bëj thirrje kryeministrit Edi Rama për të mbështetur gazetarinë e lirë dhe të pavarur dhe për të treguar përkushtim të vërtetë ndaj vlerave të BE-së”, shkruan Lega, ndërsa shpërndan thirrjen e organizatës ‘Reporterët pa kufij’, e cila dënon sjellën e Ramës nga gazetarëve, duke i ndaluar të marrin pjesë në konferencat për shtyp.
