Ish-deputeti Klevis Balliu tha se protesta e 7 korrikut theu indiferentizmin e shoqërisë shqiptare, e cila kishte rënë në koma dhe nuk reagonte.
Në emisionin “Zonë e Lirë”, Balliu tha se kjo protestë kaloi pritshmëritë e çdokujt dhe kjo ndodhi pasi Tirana doli në protestë.
“Qytetarët po lëvizin edhe vetë, po i bashkohen edhe një partie politike. Kjo protestë është fillimi i një procesi, tashmë duhet që të përkthehet kjo kontratë sociale në një dokument, që do të jetë alternativa qeverisëse”, tha Balliu.
Ai tha se vota është mekanizmi i vetëm që mund të vijë një parti në pushtet. “Ne nuk kemi thënë asnjëherë që Rama do të rrëzohej me një protestë, ne kemi thënë që PD do të vijë në pushtet përmes votës”, tha ai.
