Disa mijëra qytetarë shqiptarë iu bashkuan thirrjes së kreut demokrat Sali Berisha dhe shoqërisë civile, të bashkuar në atë që u pagëzua me emrin “Fronti për shpëtimin e Shqipërisë”.
Pamjet e poshtme, të filmuara me dron, tregojnë masivitetin e protestës, gjë që është pranuar si rrallë herë edhe nga analistë të njohur për pozicionimet e tyre pranë Kryeministrit Edi Rama.
Protesta ka zgjatur rreth 2 orë, ndërsa është përmbyllur paqësisht, me një thirrje të Berishës drejtuar Bashkimit Europian për ti hapur Shqipërisë negociatat.
Protesta është pasqyruar në mediat ndërkombëtare, ndërsa për herë të parë në 32 vitet e pluralizmit shqiptar, lideri i një formacioni politik e konsideron kundërshtarin e tij një armik, çka u interpretua si një paralajmërim se Edi Rama do të kishte probleme për të vijuar qeverisjen e tij në muajt në vijim.