Ish-deputeti Lefter Maliqi, është shprehur se 7 korriku dita kur do të mbahet dhe protesta kombëtare e thirrur nga PD është prova e parë e një fryme bashkimi për të pakënaqurit e PS, opozitës e Shoqërisë civile.
Në një intervistë për Ora News, ai tha se nuk ka pasur opozitë që nga 2017 kur Edi Rama dhe Lulzim Basha, nënshkruan marrëveshje.
Ai tha se të gjitha që kanë ndodhur kanë qenë pjesë e marrëveshjes, ndërsa shtoi se Rama ka luajtur një strategji të rrezikshme dhe keqdashëse.
“Më 7 korrik është prova e parë e një fryme bashkimi të gjithë të pakënaqurve të PS dhe të opozitës e Shoqërisë civile, kundër kësaj të keqeje. Që nga 2013 nuk ka pasur opozitë, por po e quajmë që nga marrëveshja e 2017. Prandaj ndodhën të gjithë këto fenomene, i gjithë ky skenar i mirë organizuar mbase edhe I mësuar nga ndonjë faktor ndërkombëtar. Rama ka luajtur një strategji të rrezikshme ose keqdashëse për interesat e vendit, të popullit e vet dhe për të fituar, vetë egon e vet. Rama ka pasur strategjinë e tij, për t’u pasuruar, mbolli Shqipërinë me drogë, duke pasur Lulin nën sqetull. Qëllimi i tij ishte të pasuroheshin njerëzit rreth tij dhe ky vet dhe sa më shumë të shpopullohej vendi”, u shpreh Maliqi.
Maliqi tha se kreu i qeverisë tashmë është panik nga Ilir Meta, Sali Berisha dhe fronti i madh opozitar. Më tej ai tha se tashmë Rama po luan lojë dhe se nuk do që vendi ynë të futet në BE.
“Por Rama tashmë është në panik, është në panik nga Meta, Berisha dhe nga fronti I madh opozitar. Data 7 korrik është dita e parë e frontit opozitar. Tani po bën lojën e Vuçiç, Rama e di shumë mirë se Europa nuk e do. E gjithë kjo mendjemadhësia e tij sikur po i dhimbset populli shqiptar, ndodh sepse Rama nuk do që ne të futemi në Europë. Po u futëm në Europë Rama është i pari që rrëzohet e kontrollohet”.
“Ish-deputeti u ndal dhe te deputetët kundërshtarë të Berishës duke thënë se ata janë të kapur nga Edi Rama. Aktualisht nuk ke parlament, ke një parlament të kapur, vazhdon kjo lojë, sepse Alibeaj dhe mbështetësit e tij, janë të kapur nga Rama. Ata janë të gjithë deputetë të djegur. Deputetë të zgjuar janë Murrizi, Hajdari që u rreshtuan krahë nesh. Këta të tjerët që mbështesin Lulin nuk dalin më deputetë edhe sikur të marrin vulën me ndërhyrjen e Ramës apo ndërkombëtarët. Rama ka lobuar dhe ka kapur edhe ndonjë ndërkombëtar, most ë ju duket habi”, tha ai.
